Балыкчы окуясы боюнча айыпталуучулар жана жактоочулардын өтүнүчү менен эми бул ишти Ысык-Көл облустук соту иликтейт. Доо арыз он күн ичинде облсотко түшүп, андан кийин иликтөө башталат. “Азаттыктын” Ысык-Көлдөгү кабарчысы кабарлагандай, айыпталуучулар канча кармалсак дагы, бул окуянын чоо-жайын облсот иликтесин деген чечимге келишкен. Бүгүнкү соттук жараянда жактоочу Азимбек Бекназаров “Мыйзамсыз жол менен алынган далилдерди карап, сот иши калыс болбой жатат. Сиз адилет эмес, ырайымсыз сот экенсиз” деп, ишти башка сотко өткөрүү өтүнүчүн билдирген. (КЕ)
