Адабият боюнча Нобель сыйлыгы германиялык жазуучу Герта Мюллерге ыйгарылды. Швециянын илимдер академиясынын өкүлү Питер Энглунд бул жаңылыкты бир саат мурдараак жарыялап жатып, “дүйнөлүк сыйлыкка татыган Герта Мюллердин поэзиялык чыгармалары, прозадагы чынчылдыгы баарынан айрылган бечаралар дүйнөсүн чагылдырат”, - деп белгиледи. Герта Мюллер 1953-жылы Румынияда төрөлгөн. Анын чыгармаларында диктатордук бийлик алдында, улуттук азчылыктын өкүлү катары жашоонун күнүмдүк түйшүк-көйгөйү баяндалат.
