Бүгүн Бишкекте Европа коопсуздук жана кызматташтык уюму Борбор Азиядагы сөз эркиндиги жана журналистика боюнча 11-жыйынын баштайт. Анда Борбор Азия аймагындагы журналистердин коопсуздугу жана абалы талкууланып, маалыматтык-коммуникация технологиясы өнүккөн бүгүнкү заманда калем ээлеринин кесиптик деңгээлин көтөрүү маселелери каралат. Конференциянын катышуучулары тажрыйба алмашып, эл аралык эксперттер жана жарандык коом өкүлдөрү атайын баяндамалары менен чыгышат. Иш-чаранын соңунда жыйындын катышуучулары декларация кабыл алышы күтүлүүдө. Конференция эртең соңуна чыгат. (AJ)