Кино департаментинин баш директору Абибилла Пазыловдун «Азаттыкка» кабарлашынча, мекеменин планына ылайык, 2010-жылы Ош шаарында кино студия ачуу камылгасы көрүлүүдө. Пазыловдун белгилешинче, дасыккан режиссерлор жана актерлор жөнүндө чочулоо жок, түштүк жергесинде чыгармачыл потенциал жетиштүү. Ал эми техникалык жактан колдоону департамент өз мойнуна алмакчы. Жергиликтүү кино сынчылар жаңы студия аймактык кино тармагын өнүктүрүүгө олуттуу салым кошоорун белгилеп, ага улай жеңил баа тасма тарткандарды тизгиндөөгө мүмкүнчүлүк түзүлөрүн айтышууда. (ATo)
