Кечээ Бишкекте башталган Европа коопсуздук жана кызматташуу уюмунун Борбор Азиядагы сөз эркиндигинин абалына жана журналистика боюнча башталган 11-жыйынында аталган уюмдун Бишкектеги борборунун жетекчиси Эндрю Тесорьер (Andrew Tesoriere) Кыргызстанда сөз эркиндигинин сакталышына көмөк көрсөтүү милдетин билдирди. Ал ошондой эле соңку кездери кооптонтуучу жагдайлар арбып бара жатканына токтолуп, иштеп жаткан журналисттерге кысым көрсөтүү, уруп-сабоолор, атып салган учурлары кездешип жатканын белгиледи.Конференция бүгүн дагы улантылып, иш-чаранын соңунда жыйындын катышуучулары декларация кабыл алышы күтүлүүдө. (AJ)
