Шайлоо келерки жылдын 17- январына белгиленген. Бул - 2004-жылы азыркы президент Виктор Ющенкону бийликке алып келген “Саргылт ыңкылаптан” кийинки алгакчы шайлоо болот. Бийликте дагы бир мөөнөт калуу үчүн шайлоого Ющенко да катышаары күтүлүп жатат. Бирок коомдук пикирди сурамжылоонун учурдагы жыйынтыктары орусиячыл саясатчы жана мурдагы премьер-министр Виктор Янукович менен азыркы өкмөт башчы, Ющенконун “Саргылт ыңкылап” боюнча өнөктөшү Юлия Тимошенко башкы атаандаштар экенин көргөзүүдө.
