21-22-октябрда Кыргызстанда жетим калган, же ата-энеси бакпай койгон балдар тарбияланган үйлөрдүн ордуна үй-бүлө тибиндеги жайларды ачуу, аларды өнүктүрүү боюнча талкуу болот. Иш-чара Улуттар уюмунун Балдар укугу боюнча конвенциясынын жыйырма жылдыгына байланыштуу уюштурулуп жатат. Расмий маалыматка ылайык, 1990-жылдан 2008-жылга чейин өлкөдө социалдык жетимдер, же ата-энеси бар туруп кароосуз калган балдар саны эки жүз пайызга өскөн. (EBM)
