Орусиянын массалык маалымат каражаттары “Алтын” зергерлик холдингдин вице-президенти Антонина Бабасюк баш болгон жетекчилер аткезчилик боюнча айыпталып, аларга ачылган кылмыш иши Москва шаардык сотунда каралып жатканын жазып чыгышты. Орусиянын Федералдык коопсуздук кызматы (ФСБ) “Алтын” холдингинин кыргызстандык зергерлери Стамбулда мыйзамсыз иш жүргүзгөнү тууралуу фактыны тактаганы тууралуу Орусиянын теле берүүлөрүндө “Вести”, “Новости” маалымат агенттиктеринен айтылды. Айрым маалымат каражаттары “Алтын” маселеси боюнча Кыргызстандын Ички иштер министрлигинин жогорку кызматтагы мурдагы кызматкери кармалгандыгын кабарлашты. ИИМдин басма сөз кызматы бул маалыматты тактап “Азаттыкка” жообун билдире турган болду. (AJ)
