Укук коргоочулардын тынчсызданууларына карабай, бүгүн Люксембургда чогулган Еврошаркеттин тышкы иштер министрлери Өзбекстан менен курал-жарак соодасына тыюу салган чечимди жокко чыгарышты. Европалык министрлер алар соңку санкцияны токтоткону үчүн өзбек өкмөтү адам укуктары менен мыйзамдуулукту сактоо ишин жакшыртат деген үмүтүн айтышты. Өзбекстанга каршы санкциялар 2005-жылы Анжияндагы коогалуу окуядан кийин киргизилген эле, укук коргоочулар анда көчөгө чыккан жүздөгөн демонстранттар атып өлтүрүлгөнүн билдиришкен.