Бүгүн премьер-министр Данияр Үсөнов Жалал-Абад облусуна иш сапары менен жөнөп кетти. Бул тууралуу өкмөттүн басма сөз кызматынан билдиришти. Маалыматка караганда өкмөт башчы Камбар-Ата-2 ГЭСинин курулушу менен таанышып, Токтогул суу сактагычында болот. Данияр Үсөновду Эл аралык валюта корунун, Дүйнөлүк банктын өкүлдөрү коштоп барып, ал жердеги курулуп жаткан эки гидроэнергетикалык обьектиге инвестиция салуу мүмкүнчүлүктөрүн карашат. (AJ)
