Нарын шаарында грек-рим күрөшү боюнча республикалык турнир болуп өттү. Жыйынтыгында 32 -90 кг салмактар арасында Бишкек шаарынан келген уландар биринчи алты орунду камсыз кылышты. Ал эми Ош шаарынан келгендердин үчөө биринчиликти ээлешсе, Нарын, Жалал-Абаддан жана Алай районунан бирден өспүрүм өз салмактарында бардык атаандаштарын жеңип чыгышкан. Ал эми Кара-Көл, Баткен шаарларынан, Ак-Талаа районунан ат арытып келгендердин эч кимиси байгелүү орунга илинбеди. Эки күнгө созулган мелдешке жалпысы 133 улан таймашка түшкөн. Мындай маалыматтар мелдештин катчысы Кубанычбек Бошубековдон бүгүн алынды. (KUs).
