Жалал-Абад шаарында өкмөттүк жана бейөкмөт уюмдардын талкуусунда белгиленгендей, никеде турбаган аялдардын адилеттикке жетиши кыйын. Алар ажырашканда эч кандай мүлккө ээ боло алышпайт, чүрпөлөрүнө алимент алышы да машакат. Кыз- жигиттер үйлөнгөндө нике каттоочу жана дин уюмдарынын биргелешкен иши байкалбайт. Алар баш кошкондорго жубайлардын өз ара жана үй-бүлө куруудагы милдеттерин түшүндүрүшпөйт. Мына ушул маселелер козголгон талкууну Кызыл жарым ай коомунун облустагы бөлүмү уюштурду. (YA)
