Пакистандын Коргоо министрлигинин басма сөз өкүлү армия Түштүк Вазиристандын ири шаарларынын бири Канигуррамды өз көзөмөлүнө алганын маалымдады. Генерал майор Атар Аббастын ырастоосунда, Канигуррам чөлкөмү толугу менен террорчулардан тазаланды. Аймак миналардан тазаланып, курал-жарак, жардыргыч заттар, башка жабдуулар табылды. Түштүк Вазиристанда талип согушкерлерине каршы чабуул октябрда башталган.
