Украинанын Саламаттыкты сактоо министрлиги маалымдагандай, 67 киши чочко тумоосунун эпидемиясынан көз жумду. Министрдин орун басары Васил Лазоришинец сасык тумоого ушу тапта 255 миңдей киши чалдыкканын айтты. 15 миңдей киши ооруканаларга жаткырылган. Алардын 170и оор абалда. Сыркоологондордун көбү өлкөнүн батышында - Польша, Словакия, Венгрия жана Румыния менен чек ара аймактарында жашайт. Дүйнөлүк саламаттыкты сактооо уюму болсо Украина чочко тумоосунун эпидемиясына кабылды деп айтууга азырынча далил жок деп билдирди.
