Ирандык «Эбтекар» гезитинин жазышынча, улам өсүп жаткан кылмыштуулук менен күрөштүн чегинде полиция шарияттын негизинде катуу жазаларды, анын ичинде уурулардын колун кесүүнү көбөйтүүгө даяр. Ирандык кылмыш полициясынын жетекчиси Аскар Жафари басылмага уурулардын колун көбүрөөк кеспесе, Ирандын абалы кыйындай тургандыгын билдирген. Бириккен Улуттар уюму жана укук коргоочулар Иранды кол кесүүлөр жана өлүм жазасына тартуулар үчүн сындап келишет.
