Президент Дмитрий Медведев кол койгон мыйзамда орус армиясын башка жактарда колдонуунун мыйзамдык байдубалы кеңейтилди. Учурдагы коргонуу мыйзамына кабыл алынган түзөтүү президентке эми чет өлкөдө турган орус аскерлерине кол салуу болгон учурда, башка өлкө жардам сураса, чет өлкөлөрдөгү орус жарандарын, орус кемелерин коргоо үчүн жана каракчылык менен күрөштө аскер жиберүүгө уруксат берет. Буга чейинки мыйзам боюнча орус президенти терроризм же эл аралык мыйзамдардын негизинде гана мындай кадамга бара алчу. Орус парламенти мыйзамды октябрда кабыл алган эле.
