Бул тууралуу Мамлекеттик санитардык эпидемиологиялык көзөмөлдөө бөлүмүнүн дарыгери Бактыгүл Исмаилова “Азаттыкка” билдирди. Анын айтымында, 31 адамдын он жетиси айыгып, ооруканадан чыгышты. Кеселдердин үчөө Жалал-Абадда, бирөө Ысык-Көлдө, калган ону Бишкектеги клиникалык-инфекциялык ооруканада дарыланып жатышат. H1N1 вирусун жуктуруп алгандардын жыйырма беши Орусиядан келген жергиликтүү жарандар, бирөө Кореянын жараны, бешөө бул жактан ооруп калгандар. Б.Исаеванын ырасташынча, учурда тумоологондордун абалы дурус, баары тийиштүү дарылоодон өтүп жатышат. (AiJu)
