Ал өзгөрүүгө ылайык Кыргызстандын чет өлкөлөрдөгү элчиликтери, дипломаттары иш кагаздарын, сүйлөшүүлөрдү мамлекеттик тилде жүргүзүүгө милдеттендирилет. Мыйзамга өзгөртүү киргизүү боюнча жарыш сөздө социал-демократиялык фракциянын лидери Роза Отунбаева Тышкы иштер министрлигинин кызматкерлиринин 90% кыргыз тилинде сүйлөшүүлөрдү жүргүзө албасын, бул үчүн атайын даярдыктар жана мезгил керектигин билдирди. Бирок депутаттар А.Жээнбеков, Б.Наргозуев, Б.Абдырасаков жана Р.Абраимова мыйзамга өзгөртүү киргизүү керектигин негиздеп чыгышты. Ошону менен парламент биринчи окууда мыйзамга өзгөртүү киргизди.(AiT)
