Бүгүн (22-ноябрда) башталып жаткан аскердик машыгуулар беш күнгө созулат. Өлкөнүн аскер жетекчилиги ал машыгууларды “мамлекетти абадан урулуучу соккудан коргоо максатында өткөрүлүүдө” деп билдирди. Израил буга чейин Ирандын өзөктүк курал өндүрүшүн болтурбоо аргасы катары Тегерандын өзөктүк өндүрүш жайларына абадан сокку уруу ыктымалдыгын жокко чыгарбай турганын билдирген эле.