Азимбек Бекназаровдун “Азаттыкка” билдирүүсүнө караганда, 24-ноябрда Балыкчы окуясы боюнча соттук жараян уланат. Ишти Балыкчы шаардык сотунун төрагасы Болот Дүйшембиев карайт. Белгилүү болгондой Балыкчы окуясы боюнча айыпталып жаткандар жана адвокаттар судья Дүйшембиевге ишеним көрсөтпөй турганын билдирген. Бирок Ысык-Көл облустук сот арызды канааттандыруудан баш тарткан. Адвокаттар облустук соттун чечимин Жогорку Сотко бере турганын билдиришкен эле. Ага карабай шаардык сот ишти кароого киришүү алдында турат.
