Барак Обама Бишкек убактысы боюнча бүгүн таңкы саат 7ге белгилеген кеңешмеге, кабарларга караганда, вице- президент Жо Байден, Мамлекеттик катчы Хиллари Клинтон, коргоо министри Роберт Гейтс жана башка расмий өкүлдөр чакырылган. АКШ президенти акыркы эки айдан бери Вашингтондун Ооганстан боюнча стратегиясын кайра кароодо. Барак Обама Ооганстанга кошумча дагы миңдеген аскерлер жөнөтүлөр - жөнөтүлбөсү боюнча чечимин алдыдагы эки апта ичинде жарыялары күтүлүп жатат.
