Анда агенттик “Иран уранды жашыруун түрдө байытып жатат деп айыптап, бул ишти тезинен токтотууну талап кылган”. Бириккен улуттар уюмунун Атомдук энергия боюнча агенттиги (МАГАТЭ) Иранды айыптаган резолюцияны акыркы төрт жылдан бери алгачкы ирет чыгарып отурат. Резолюцияны 35 өлкөнүн өкүлдөрүнүн ичинен 25и колдогон, үчөө каршы добуш берди. Резолюцияны Тегерандын талаш-тартыштуу ядролук программасы боюнча сүйлөшүүлөргө катышкан негизги алты мамлекет - АКШ, Британия, Франция, Орусия, Кытай жана Германия - сунуш кылышты.
