Эртең Бишкекте ВИЧ/СПИДге байланыштуу маселелерди чагылдыруу боюнча Жалпыга маалымдоо каражаттары үчүн ресурстук борбор ачылат. Борбор Улуттук телерадио берүү корпорациясынын алдында Бириккен Улуттар Уюмунун өнүктүрүү программмасынын колдоосу менен түзүлүп жатат. Расмий маалыматка ылайык, Кыргызстанда ВИЧ/СПИД илдетин жуктуруп алгандардын саны эки жарым миңден ашты. Адистер соңку учурларда аялдар арасында бул илдетке кабылгандар көбөйүп жатканын билдиришүүдө. (EBM)
