Каркыра суусунун жок дегенде 50% Ысык-Көл облусундагы айдоо аянттарын сугарууга берилүүгө тийиш, деп билдирди КР өкмөт башчысы Д. Үсөнов. Ал бул тууралуу 1-декабрдагы кыргыз-казак өкмөт башчыларынын жолугушуусунда сөз болгонун бүгүн журналисттерге кабарлады. Анын айтуусунда Каркыра суусун бөлүп пайдалануу союздун тушунда эле жүргүзүлүп келген, учурда казактар Каркыра суусуна ГЭС курууну максат кылышууда. Өкмөт башчынын журналисттерге билдиргени боюнча кыргыз-казак өкмөт башчылары кечээки жолугушууда Каркыра суусун бөлүп пайдалануу боюнча атайын жумушчу топ түзүү тууралуу бир пикирге келишти.(ZKo)
