Аза күтүү Пермь шаарындагы түнкү клубда орун алган өрттүн курмандыктары үчүн жарыяланды. Өткөн ишембиге караган түнү Пермь шаарынын “Аксак ат” деп аталган клубунда чыккан өрттөн 112 киши каза тапты, 100дөн ашууну жаракат алды жана бул Орусияда соңку жылдары орун алган эң ири трагедиялардын бири болду. Окуя боюнча кылмыш иши козголоду. Өрт коопсуздугунун эрежелерин сактабаганы үчүн түнкү клубдун мененджери баштаган төрт адам айыпталууда. Орус маалымат каражаттары болсо трагедиянын себептери катары коррупцияны жана шалакылыкты белгилешти.
