Пакистандын Вашингтондогу элчилиги билдиргенине караганда, үстүбүздөгү аптада Пакистанда кармалган америкалык 5 адамдын экстремисттик топтор менен байланышы бар деп шектелүүдө. Азыр бул божомол иликтенүүдө. Элчиликтин расмий өкүлү 20 жаш курагындагы студенттер Пенжаб чөлкөмүндө шейшембиде кармалганын маалымдады. Алардын аты-жөнү, камакка алуунун жагдайы тууралуу айтылган жок. АКШнын Федералдык иликтөө бюросу – FBI ошол кармалгандар Вашингтондо жоголуп жаткан 5 киши болуп жүрбөсүн деген маалыматты текшерүүдө.
