Бул тууралуу Социалдык камсыздандыруу агенттигинин жетекчиси Назгүл Ташбаев бүгүн депутаттардын суроолоруна жооп берип жатып билдирди. Анын айтымында, 1-2-топтогу тубаса майыптарга 157 сом колдоо көрсөтүлөт. Ушуга байланыштуу мыйзамга өзгөртүү жана толуктоолор депутатар тарабынан колдоо тапса, алардын пенсиясы жогорулайт. 1-топтогу майыптар мурда 1604 сом алса, кийин эки миң, 2-топтогулар 800дүн тегерегинде алса – 1500, 3-топтогулар 550 алса – миң сом ала баштайт. Н.Ташбаеваныны айтымында, ушундай кошула турган акчалар үчүн жалпысынан 1 млрд. 500 миллионго жакын акча керек. “2010-жылдын бюджетинде 800 млн. деп каралган. Кечээ өкмөттүн жыйынында бул талкууланды, маселе азыр каралып жатат”, - дейт Н.Ташпаева. (КЕ)
