14-декабрда Кыргыз-түрк «Манас» университетинде эл аралык конкурс жана кинофестивалдардын жеңүүчү «Рух чабыттары» аттуу сыйлык тапшыруу азем-салтанаты болот. Анда жеңүүчү аталган кинофильмдер көрсөтүлөт. Аземди университеттеги консерваториянын чеберлери жана студенттердин катышуусу менен уюштурулган концерт коштойт. Эл аралык конкурс жана кинофестивалдардын жеңүүчүлөрүнүн жана лауреаттарынын катарында Стамбулбек Мамбеталиев, Акжол Бекболотов, Наргиза Маматкулова, Ульяна Коновалова, Алмаз Супатаев, Алижан Насиров, Айдос Токтобаев жана башкалар бар. (КЕ)
