Дүйнө лидерлери Копенгаген саммитинин жыйынтыктоочу жыйындарына катышуу үчүн Дания баш калаасына келе башташты. Бүгүн-эртең конференцияда АКШ, Орусия, Иран, Бразилия, Франция президенттери сөз сүйлөшөт деп күтүлүүдө. Саммит жума күнү аяктоого тийиш. Бирок корутунду документ боюнча мунаса табыла элек. Бай жана жакыр өлкөлөр климаттагы өзгөрүүлөргө, атап айтканда аба ырайынын ысышына каршы күрөшүүгө кеткен чыгымдарды бөлүштүрүү маселесинде бир пикирге келе албай жатышат.
