Ушул тапта Кыргызстандын президенти Курманбек Бакиев Казакстандын Алматы шаарында өтүп аткан КМШнын бейформал саммитине катышууда. Бул тууралуу президенттин маалымат кызматы билдирет. Орусия, Беларус, Кыргызстан, Тажикстан, Түркмөнстан, Армениянын президенттери катышып аткан саммит Алматы шаарынан 35 километр аралыкта жайгашкан “Ак-Булак” ден-соолукту чыңдоо базасында өтүп жатат. Саммитке Өзбекстандын президенти Ислам Каримов да чакырылганы менен ал саммитке катыша тургандыгын тастыктаган эмес. Саммит 20-декабрда ишин жыйынтыктайт. (IJz)
