Өткөн дем алыш күндөрү йемендик алты, ооганстандык төрт жана сомалилик эки адам өз мекенине жеткирилгенин АКШнын юстиция департаменти кабарлады. Кошмо Штаттардын коргоо министри Роберт Гейтс Гуантанамо түрмөсүндө терроризм үчүн кармалып тургандардын 116 сы же өздөрүнүн мекенине, же үчүнчү башка мамлекетке которулаарын айтты. Өткөн аптада аталган түрмөдөн адамдар Иллинойс штатындагы федералдык түрмөгө жиберилери кабарланган болчу. Президент Барак Обама Гуантанамону 2010-жылы такыр жабууга сөз берген.
