Бүгүн вице-спикер Чолпон Баекованын төрагалыгы астында Жогорку Кеңештин Координациялык кеңеши жыйын куруп, бир аптага парламенттин иш-планын бекитти. Жогорку Кеңештин басма сөз кызматы билдиргендей, депутаттар 24-декабрда келээрки жылдын бюджет долбоорун, 25-декабрда Жер кодексине толуктоолор киргизип, автордук укук боюнча мыйзамга өзгөртүүлөр киргизүүнү, 26- декабрда акыйкатчы жана этникалык кыргыздардын конституциялык укуктары боюнча мыйзам долбоорлорун карайт. Өкмөттүн Токтомуна ылайык 31-декабрдагы жумушчу күнү 26-декабрга которулганына байланыштуу депутаттар ишемби күнү да кызматка чыгышмакчы. (EK)
