Өлкө башчысы Курманбек Бакиев Өкмөт үйүндө өткөн Камбар-Ата-2 ГЭСиндеги ири масштабдагы жардырууга байланышкан иш-чара учурунда «Биз региондун энергетика рыногунда алдыңкы орунда болууну көздөгөн амбициялуу максат коюп жатабыз”, - деп билдирди.
Бүгүн ири масштабдагы жардырууну өткөрүү боюнча штаб менен видеобайланыш уюштурулду. Иш-чаранын катышуучуларынын алдында сүйлөгөн сөзүндө президент алдыга коюлган милдеттин ийгиликтүү аякташы менен куттуктады.
“Биз сиздер менен накта тарыхый окуянын күбөсү болдук. Мен биздин энергетиктер Камбар-Ата ГЭСинин биринчи агрегатын ишке киргизүү үчүн Нарын дарыясынын нугун тосуу боюнча милдетти аткара тургандыгына ишенгем”, - деди К.Бакиев.
Президент мамлекет аталган масштабдуу долбоорду каржылоо боюнча бардык милдеттенмелерин толугу менен аткарып жаткандыгын белгиледи. «Камбар-Ата-2 ГЭСинин курулушу өлкөбүздүн өнүгүүсү үчүн стратегиялык мааниге ээ. Өз кезегинде СССР сындуу ири державанын да бул ГЭСти курууга чамасы чак болуп калган. Азыр болсо Камбар-Ата1, 2 ГЭСтеринин сөзсүз курула тургандыгына эч ким шек санабай деле калды деп ойлойм”, - деп айтты өлкө башчысы.
К.Бакиев алдыдагы отуз жылга өлкөнүн комплекстүү энергетикалык стратегиясын иштеп чыгуу боюнча ишти улантуунун зарылдыгын белгиледи. (EK)
Бүгүн ири масштабдагы жардырууну өткөрүү боюнча штаб менен видеобайланыш уюштурулду. Иш-чаранын катышуучуларынын алдында сүйлөгөн сөзүндө президент алдыга коюлган милдеттин ийгиликтүү аякташы менен куттуктады.
“Биз сиздер менен накта тарыхый окуянын күбөсү болдук. Мен биздин энергетиктер Камбар-Ата ГЭСинин биринчи агрегатын ишке киргизүү үчүн Нарын дарыясынын нугун тосуу боюнча милдетти аткара тургандыгына ишенгем”, - деди К.Бакиев.
Президент мамлекет аталган масштабдуу долбоорду каржылоо боюнча бардык милдеттенмелерин толугу менен аткарып жаткандыгын белгиледи. «Камбар-Ата-2 ГЭСинин курулушу өлкөбүздүн өнүгүүсү үчүн стратегиялык мааниге ээ. Өз кезегинде СССР сындуу ири державанын да бул ГЭСти курууга чамасы чак болуп калган. Азыр болсо Камбар-Ата1, 2 ГЭСтеринин сөзсүз курула тургандыгына эч ким шек санабай деле калды деп ойлойм”, - деп айтты өлкө башчысы.
К.Бакиев алдыдагы отуз жылга өлкөнүн комплекстүү энергетикалык стратегиясын иштеп чыгуу боюнча ишти улантуунун зарылдыгын белгиледи. (EK)
