“Ак шумкар” партиясы президент тарабынан парламентке сунушталган “Конституцияга өзгөртүүлөрдү жана толуктоолорду киргизүү жөнүндө” долбоорго макул эместигин билдирип парламент депутаттарын ага каршы добуш берүүгө чакырды. Аталган партиянын лидери Темир Сариев кечээги маалымат жыйынында Баш мыйзамдын жаңы долбоорунда мамлекет башчысына жооптуу адамды Президенттик кеңештин дайындоосу өтө опурталдуу жана коркунучтуу экендигин билдирди. Ал эми “Ак жол” фракциясынан депутат Зайнидин Курманов президентке талапкерди Президенттик кеңештин дайындоосу ылайыктуу экендигин белгиледи. (AJ)
