Жалал-Абад: Өзбекстанга өткөн бодо мал кайтарылды

Кыйла сүйлөшүүдөн кийин Өзбекстан 12 уйду кайтарып берди. Бадачы бала үйүнө кирип кеткенде, Ала-Бука районунунун тургундарына караштуу уйлар коңшу өлкө талаасына өтүп кеткен. Өзбек чек арачылары 20-декабрда бодо малдын артынан барган баланы кармап алып, эртеси күнү бошотушкан. Бул тууралу бүгүн “Азаттыктын” түрдүү суроолоруна жооп берген губернатор К. Масиров билдирди. (YA)