Тажикстандын президенти Эмомали Рахмон элди Рогун ГЭСинин акциясын сатып алууга чакырды. ГЭСтин акциясы базарга бүгүн чыгат. Тажик өкмөтү 30 жылдай мурда башталып, Советтер Союзу кулагандан кийин токтоп калган ГЭСти куруп бүтүрүү үчүн нак акча табуунун баардык аракетин жасап жатат. Тажик бийлиги мындан мурда элге бир айлык маянасын ГЭСти курууга которууга үндөгөн болчу. Рогун ГЭСинин курулушуна айыл чарбасына суубуз азаят деген Өзбекстан катуу каршы болуп келатат.
