АКШ президенти Барак Обама Американын чалгындоо кызматы учакты жардыруу даярдалып жатканы тууралуу маалыматты билсе да, коркунучту алдын-алуу аракетин көргөн эмес деп сындады. Кристмас күнү Амстердамдан АКШнын Детройт шаарына бараткан учакты нигериялык жигит жардырууга аракет кылып, анын планы аз жерден ишке ашпай калган. Обама окуяны олуттуу калпыстык катары баалап, андай иштерге чыдап тура албаарын белгиледи. Шейшембиде ал АКШ жетекчилери менен коопсуздук маселелерин талкуулады.
