Йемендин президенти Абдулла Салех эгер “ал-Каида” куралын таштап, зобун-зордуктан баш тартса, алар менен сүйлөшүүгө даяр. “Биз зобун-зордук жана терроризмден баш тарткан бардык тараптар менен өз ара макулдашуунун жолун издөөгө даярбыз” деди Абдулла Салех Абу-Даби телеканалынан сүйлөп. Ал эми Йемендин түштүгүндөгү Шабва провинциясынын губернатору Али Хасан ал-Ахмади “ ал-Шарк ал-Авсат” гезитине берген интервьюда “ал-Каиданын” Ооганстандан качып келген желдеттери жергиликтүү жихадчыларга кошулуп, алардын арасынан паанек тапканын айтты.
