Өлкө башчысы Каржы полициясы тууралуу Буйрукка кол койду

Ага ылайык Каржы полициясы мындан ары бир гана Президентке караштуу болот. Экономикалык кылмыштарга каршы туруу үчүн түзүлгөн Каржы полициясына мамлекеттик тартип коргоо органы макамы берилип, анын жол-жобосу бекитилди.
Ички иштер министрлигине бир ай ичинде Каржы полициясын керектүү материалдык жабдыктар менен камсыздап, экономикалык кылмыштардын бетин ачуу үчүн кошумча кызматкерлер бөлүп берүү милдети жүктөлдү. Ошондой эле бул Буйрукка ылайык өкмөткө кошумча чараларды көрүү тапшырылды. (EK)