“Азаттык” радиосунун угармандары кыймылынын жетекчиси Өндүрүш Токтоназаровдун билдиргени боюнча кыймылдын мүчөлөрү 28-январда УТРКнын алдына нааразылык акциясына чыгат. Анда “Азаттык” үналгысын УТРКнын радиотолкундары аркылуу, “Азаттыктын” “Ыңгайсыз суроолор”, “Азаттык+” теледолбоорлорун Улуттук телеканал аркылуу эркин уктуруу жана көрсөтүү талабы коюлмакчы. Ө. Токтоназаровдун “Азаттыкка” билдиргени боюнча иш-чара өткөрүлөрү тууралуу маалымдама бүгүн Бишкек шаардык мэриясына тапшырылды.
“Азаттык” үналгысынын теле жана радио берүүлөрү УТРК аркылуу март ыңкылабынан кийин Кыргызстандын бардык аймактарына кеңири таралып берилчү. 2008-жылдын ортосунан тартып, ар кандай себептерди негиз кылган УТРК жетекчилиги “Азаттык” менен кызматташуудан баш тарткан.(ZKo)
“Азаттык” үналгысынын теле жана радио берүүлөрү УТРК аркылуу март ыңкылабынан кийин Кыргызстандын бардык аймактарына кеңири таралып берилчү. 2008-жылдын ортосунан тартып, ар кандай себептерди негиз кылган УТРК жетекчилиги “Азаттык” менен кызматташуудан баш тарткан.(ZKo)