“Фридом Хаус” эл аралык уюму 2009-жылдагы дүйнөдөгү саясий укуктар жана жарандык эркиндиктер боюнча кезектеги баяндамасын жарыялап, анда Кыргызстанды эркин эмес мамлекеттердин катарына кошту. Уюмдун мурунку отчетунда Кыргызстан жарым-жартылай эркин деп эсептелчү. Жергиликтүү жана айрым эл аралык уюмдар өлкөдө соңку жылдары саясий жана жарандык укуктар, сөз эркиндиги жаатта абал кыйла начарлап кеткенин билдирип келишет. Расмий бийлик өкүлдөрү мындай баа менен макул эмес. (EBM)
