Ирактын шайлоо комиссиясы 500дөй саясатчы жана партияны парламенттик шайлоодон четтетти. Көз карандысыз жогорку комиссиянын жооптуу өкүлү Хамдия Хусейининин ырастоосунда, талапкерлер “юстиция жана интеграция комитетинин жобосуна” ылайык жарыштан чыгарылган. Алардын Саддам Хусейиндин БААС партиясына тиешеси бар-жогу такталган жок. Бирок Ирактын мыйзамдары Саддамга жакын адамдардын шайлоого катышуусуна тыюу салат.
