Акыйкатчынын орун басары кызматтан алынды

ЖК депутаттары көпчүлүк добуш менен Акыйкатчынын орун басары Мамат Момуновду кызматынан бошотууга макулдугун беришти. Бул маселе буга чейин ЖК тиешелүү комитетинде каралып, депутаттарга сунуш кылынган. Бүгүн Акыйкатчы Турсунбек Акун өзү да бул тууралуу парламентте баяндама жасап, Мамат Момунов беш жылдык мөөнөтү ичинде кызматын кынтыксыз аткарып келгендигин, анын иштен бошотулуусуна мөөнөтү аяктаганы негиз берип жаткандыгын билдирди.
Анын ордуна кимдин талапкерлиги каралып жатканы белгисиз.(ZKo)