ИИМ жарандардын өздүк белгилерин атайын экспертизадан өткөрүүнү сунуштоодо. Соңку учурда ар кандай жагдайда каза тапкан, дайынсыз жоголуп кеткендер көбөйүүдө. Эгерде жарандар өз эрки менен манжаларынын тагын, көзүнүн диаметрин Ички иштер министрлигинин атайын маалымат кампасына киргизип койсо, бул милиция кызматкерлеринин ишин жеңилдетет. Бул тууралуу “Азаттыкка” ИИМдин Илимий изилдөө борборунун башчысы Шамшыбек Мамыров билдирди. Ал эми бир катар укук коргоочулар мындай ыкманы адам укуктарын бузуу катары баалап, өнүккөн өлкөлөрдө бул ыкма кылмышка жакын делген атайын адамдар үчүн гана колдоонуларын атйышууда. (GA)
