Өткөн аптада 7 баллга жеткен жер титирөөдөн Гаитинин борбору Порт-о-Пренс катуу жапа тарткан эле. Ал жерде гуманитардык абал начарлап, тамак-аш, суу, дары-дармектер жетишпей жаткандыктан уурулук, зомбулук да күчөдү. Эларалык “Кызыл Чырым” уюму жагдай дагы курчушу мүмкүн деп эскертти. Бириккен улуттар уюмунун баш-катчысы Пан Ги Мун уюмдун коопсуздук кеңешинен бул жакка кошумча 3500 полисменди, аскерлерди жиберүүнү сурады. Азырынча Гаитиде улуттар уюмунун 9 миңдей аскери иштеп жатат.
