Бүгүн Лондондо көзкарандысыз комиссиянын суроолоруна мурдагы коргоо министри Жефф Хун жооп берет. Ал 1999-жылдан 2005-жылга чейин коргоо министри болуп турган. Бул угуулар Ирак согушунда Британиянын катышканы канчалык мыйзамдуу болгонун аныктоо үчүн өтүп жатат. Беш жыл мурда Британия Иракта диктатор Саддам Хусейндин режимин кулатканга 45 миң аскерин жиберген. 29-январда аталган комиссиянын суроолоруна Британиянын ошол учурдагы премьер-министри Тони Блэр жооп бериши күтүлүүдө.
