Жогорку Кеңештин бүгүнкү отурумунда СДП фракциясынан депутат Роза Отунбаева өткөн жумада мурдагы коргоо министри И.Исаковду колдоо максатында чыккан Алай районунун Сопу-Коргон айылынын тургундарына күч органдары тарабынан ар кандай кысымдар болуп жатканын билдирди. Отунбаева, “бийлик ойлонуп иш кылса” деп кесиптештерине, «Ак Жол» фракциясынын мүчөлөрүнө кайрылды. Ал эми “Ак жол” фракциясынан депутат А.Калмаматов Алайдагы кырдаалдан күнүгө маалымат алып жатканын Сопу-Коргондо эч кандай мыйзам бузуу болбогондугун белгиледи. (AJ)
