Америкалык кыз дүйнөнү жалгыз өзү суу аркылуу айланып өткөн эң жаш адам деген наам үчүн күрөшүн баштады. 16 жаштагы Эбби Сандерланддын кайыгы кечээ Тынчтык мухитинде парусун жайып, жолго чыкты. Сандерс эми беш же алты ай жалгыз болот, бирок сателлит телефону жана интернеттеги блогу аркылуу кабар алышып турмакчы. Анын аралыгында аны менен жашташ, ал да дүйнөнү жалгыз айланып сүзгөн эң жаш адам наамы үчүн таймашка мурдатан аттанган Жессика Уотсон өткөн аптада Атлантика мухитинде катуу бороон-чапкынга кабылганын билдирген.
