Польшада Освенцим концлагерин бошотуунун 65 жылдыгы белгиленип жатат. Нацисттердин лагеринде 1,1 миллиондой киши, алардын 90 пайыздайы жөөттөр кырылган. Курман болгондордун көбү газ мештеринде жок кылынган. Эскерүү иш-чараларына аман калгандар менен кошо Израил өкмөт башчысы Бенямин Нетаняху жана Польшанын жетекчилери катышууда. Освенцим 1945-жылдын 27-январында Советтик армия тарабынан бошотулган. 2005-жылы Улуттар уюму бул датаны Холокостту эскерүү күнү деп жарыялаган. Экинчи Дүйнөлүк согуш учурунда нацисттердин колунан 6 миллиондой жөөт каза тапкан.