Бүгүн Бишкектеги борбордук аянтка жакын жерге митингиге чыккан Казакстанда иштеген кыргыз эмгек мигранттары менен эмгек жана миграция министри Айгүл Рыскулова жолукту. Бул тууралуу министрликтин маалымат катчысы Роза Даудова билдирди. Министр айым эмгек мигранттарынын кагаз түрүндөгү талаптарын алды. Митингиге чыккан эмгек мигранттары Казакстанда аларга каршы кысым күчөп, депортацияланып жатышкандыктарын билдирип, бул маселени казак бийлиги менен чечүү талабын коюшууда.(AiT)
